Sumqayıt şəhərində və Bakının Nərimanov rayonunda baş verən silsilə oğurluq hadisələrinin üstü açılıb.
Sumqayit.tv Daxili İşlər Nazirliyinə istinadən xəbər verir ki, market və avtomobillərdən ümumi dəyəri 2 min manatdan artıq olan tütün məmulatları oğurlanıb.
Sumqayıt Şəhər Polis İdarəsinin 4-cü Polis Bölməsinin əməkdaşları tərəfindən keçirilən əməliyyat-axtarış tədbirləri nəticəsində oğurluq əməllərini törətməkdə şübhəli bilinən, əvvəllər məhkum olunmuş 27 yaşlı Q.Kərimov saxlanılıb.
Araşdırma zamanı saxlanılan şəxsdən narkotik vasitə olan heroin də aşkar edilərək götürülüb.
Faktla bağlı araşdırma davam etdirilir.
8-07-2026, 19:15
52
