Fintexlər bankları əvəz edəcək? – AzFina-dan açıqlama
Fintexlər bankları əvəz etməyi deyil, onların fəaliyyətini tamamlamağı hədəfləyir.
Sumqayit.tv xəbər verir ki, bu fikirləri Azərbaycan Fintex Assosiasiyasının (AzFina) İdarə Heyəti sədrinin müavini Eynar Abdullayev Bakıda keçirilən "Azərbaycanın Rəqəmsal Maliyyə Gündəliyi" tədbirində səsləndirib.
Onun sözlərinə görə, banklar həm Azərbaycanda, həm də dünyada maliyyə ekosisteminin əvəzolunmaz hissəsidir və fintexlər onların yerini tutacaq qurumlar deyil.
Eynar Abdullayev bildirib ki, fintexlər bank xidmətlərini daha çevik, daha sürətli və müəyyən sahələr üzrə ixtisaslaşmış formada təqdim edir. Banklar depozit qəbul etdikləri üçün daha sərt tənzimlənir, fintexlər isə sadələşdirilmiş qaydalarla fəaliyyət göstərərək rəqəmsallaşma prosesində çevik həllər təklif edirlər.
AzFina rəsmisi banklara da mesaj ünvanlayaraq vurğulayıb ki, fintexlərin banklarla rəqabət aparmaq planı yoxdur və yaxın gələcəkdə belə bir vəziyyət gözlənilmir.
29-06-2026, 11:38
68
