Bildiyimiz kimi Sumqayıt yaranışından bu günə qədər ekoloji cəhətdən cançəkişən şəhərlər sırasında olub. Son günlər isə bu problem sumqayıtlıların ən çox dilə gətirdiyi məsələlərin önündə gəlir.
Bir tərəfdən zibil poliqonunda yandırılması və ifunət iyinin şəhərə yayılması, digər tərəfdən isə məişət tullantıların şəhərin müxtəlif küçələrində qalaq-qalaq yığılıb qalması, antisanitar vəziyyəti körükləyir. Bu cür xoşagəlməz vəziyyət isə haqlı olaraq şəhər sakinlərinin müəyyən narazılıqlarina səbəb olur. Belə ki, bir yandan yay fəslinin istisi, digər tərəfdən də koronovirusun tüğyan etdiyi bir vaxtda məişət tullantıların yandırılması və qalaq halında yığılaraq şəhərin müxtəlif yerlərində o cümlədən dənizkanarında antisanitar vəziyyət yaratması, heç şübhəsiz ki, vətəndaşlar üçün əlavə problemlər deməkdir.
Elə bu günlərdə Sumqayıt.tv-in əməkdaşı dənizkənarında olub və orada görduklərını telefon kamerasına alıb. Belə ki, videoda gördüyünüz mənzərə Sumqayıt dənizkənarı restoranlardan biri məhşur "AMORE"-in ətrafıdır.Hər kəs əlinə düşən zibili bu boş əraziyə atmaqla məşğuldur. Nəticədə gördüyünüz bu bahalı restoranın ətrafı sözün həqiqi mənasında antisanitar vəziyyət meydana gətirir. Ən maraqlısı isə odur ki, bu cür antisanitar vəziyyətə nə "AMORE" rəhbərliyi, nə Sumqayıt şəhər İcra Hakimiyyətinin balansında olan Təmizlik Departamenti, nə də Xəzər dənizi və dəniz ətraf mühitinin mühafizəsi haqqında Çərçivə Konvensiyası protokoluna birbaşa məsul olan Ekologiya və Təbii Sərvətlər Nazirliyin reaksiya vermir.
Əməkdaşımızın çəkdiyi videonu təqdim edirik:
18-08-2021, 16:18
811
