Dövlət İmtahan Mərkəzi tərəfindən iyunun 21-də Bakı, Sumqayıt və Abşeron rayonunda təkrar imtahanlar təşkil olunacaq.

Sumqayit.tv xəbər verir ki, təkrar imtahanda mayın 25-27-də qeydiyyatdan keçən və 9 illik təhsil bazasında kolleclərə qəbul müsabiqəsində iştirak etmək istəyən abituriyentlər iştirak edə biləcəklər.

Bununla yanaşı, 25-26 may tarixlərində təhsil aldıqları məktəblərə müraciət etmiş cari və əvvəlki illərin IX sinif şagirdləri də imtahana buraxılacaqlar.

İştirakçılar "İmtahana buraxılış vərəqəsi"ni onlayn qaydada əldə edib çap edə bilərlər. Buraxılış vərəqəsində imtahanın keçiriləcəyi bina, zal, başlama vaxtı və digər vacib məlumatlar əks olunub.

Qeyd edək ki, imtahan saat 10:00-da başlayacaq. Saat 09:45-dən sonra imtahan binasına gələn şəxslər imtahana buraxılmayacaqlar.

Abituriyentlərə və şagirdlərə imtahan binasına vaxtında gəlmələri tövsiyə olunur.

20-06-2026, 14:31 65