Sumqayıt şəhəri, Xəzər bağları yaşayış massivi, Kəhriz küçəsində artıq iki aya yaxındır içməli su borusunun zədələndiyi bildirilir.

Sumqayit.tv-yə müraciət edən sakinlərin sözlərinə görə, yaranmış nasazlıq səbəbindən şirin su fasiləsiz şəkildə küçəyə axır və problem uzun müddətdir aradan qaldırılmır.

Şikayətçilər bildiriblər ki, məsələ ilə bağlı “Azərsu”nun qaynar xəttinə dəfələrlə müraciət etsələr də, indiyədək hər hansı tədbir görülməyib.

Sakinlər qeyd ediblər ki, suyun küçəyə axması həm içməli su itkisinə, həm də ərazidə narahatlığa səbəb olur.

Ərazi sakinləri problemin ictimailəşdirilməsindən sonra aidiyyəti qurumların məsələyə reaksiya verəcəyinə ümid etdiklərini bildiriblər.

Onlar problemin qısa müddətdə aradan qaldırılmasını və su itkisinin qarşısının alınmasını tələb edirlər.

VİDEO LİNK: (24)Sumqayıtda 2 aydır küçəyə içməli su axır – sakinlər narazıdır Sumqayıt... | TikTok