Sumqayıt Şəhər İcra Hakimiyyətinin başçısı Zakir Fərəcov tərəfindən şəhərin müxtəlif ərazilərində keçirilən səyyar görüşlər davam edir.

Sumqayit.tv xəbər verir ki, növbəti səyyar qəbul şəhərin 2-ci məhəlləsində təşkil olunub.

Görüşdə şəhər icra hakimiyyətinin məsul əməkdaşları, idarə və müəssisələrin rəhbərləri, şəhid ailələrinin üzvləri, qazilər və sakinlər iştirak ediblər.

Səyyar qəbul zamanı vətəndaşlar məşğulluq, sosial təminat, məhəllədaxili abadlıq, infrastrukturun yenilənməsi və digər sosial məsələlərlə bağlı müraciətlər səsləndiriblər.

Bildirilib ki, qaldırılan məsələlərin bir qismi yerində araşdırılıb, əlavə araşdırma tələb edən müraciətlər isə aidiyyəti qurumların nəzarətinə götürülüb.

Görüşdə şəhərdə həyata keçirilən abadlıq və infrastruktur layihələri ilə bağlı da məlumat verilib.

8-05-2026, 16:15 321