Mayın 10-14-də Azərbaycanda keçiriləcək Bakı–Xankəndi Azərbaycan Velosiped Yarışının ilk mərhələsinin finiş nöqtəsi Sumqayıt şəhərində olacaq.

Sumqayit.tv xəbər verir ki, yarışla əlaqədar şəhərin bir sıra küçə və prospektlərində nəqliyyat vasitələrinin hərəkətinə müvəqqəti məhdudiyyət tətbiq ediləcək.

Məlumata görə, mayın 10-da Sülh prospekti, Koroğlu prospekti, Üzeyir Hacıbəyov küçəsi, Zülfü Hacıyev küçəsi, Heydər Əliyev prospekti və Azərbaycan prospektində nəqliyyatın hərəkəti məhdudlaşdırılacaq.

Mayın 11-də isə Sahil küçəsi, Bulvar küçəsi, Polad Həşimov küçəsi, Səməd Vurğun küçəsi və Sülh prospektində yollar bağlanacaq.

Aidiyyəti qurumlar sürücülərə və digər yol hərəkəti iştirakçılarına marşrutlarını əvvəlcədən planlaşdırmağı, mümkün sıxlığı nəzərə almağı və alternativ yollardan istifadə etməyi tövsiyə edib.

Bununla yanaşı, vətəndaşlardan yol hərəkəti qaydalarına və ərazidə xidmət aparan əməkdaşların göstərişlərinə əməl etmələri xahiş olunub.

8-05-2026, 22:02 434