Sumqayıt şəhərində əlilliyi olan şəxslər üçün ayrılmış parklanma yerinin zibil konteynerləri ilə tutulduğu iddia olunur.

Sumqayit.tv-yə müraciət edən sakin bildirib ki, hadisə Sumqayıt Bulvarı ərazisində yerləşən ASAN Xidmətin parklanma yerində qeydə alınıb.

Müraciətdə qeyd olunur ki, həmin ərazidə əlilliyi olan şəxslərin avtomobilləri üçün xüsusi parklanma yeri ayrılıb. Lakin iddiaya görə, həmin yerə zibil konteynerləri yerləşdirilib və bu da təyinat üzrə istifadəyə maneə yaradır.

Sakinlər aidiyyəti qurumlardan məsələyə baxılmasını, parklanma yerinin təyinatına uyğun istifadəsinin təmin olunmasını və problemin aradan qaldırılmasını xahiş edirlər.

Qarşı tərəfin mövqeyini dərc etməyə hazırıq.

Bu gün, 16:03 72