Türkiyənin hakim Ədalət və İnkişaf Partiyası (AKP) sədrinin birinci müavini Numan Kurtulmuşun sədrliyi ilə AKP nümayəndə heyəti Bakıya gəlib. 
Sumqayit.tv report-a istinadən məlumat verir ki, səfər çərçivəsində Şəhidlər xiyabanı ziyarət olunub.

Sonra qonaqlar Türk şəhidliyi abidəsində olublar. Orada Şərəf kitabının imzalanması da baş tutub. N.Kurtulmuş kitaba ürək sözlərini yazıb və çıxış edib: "Ermənistan problemləri həll etmək üçün digər ölkələrdən kömək istəmək fikrindən əl çəkməlidir. Problemləri danışaraq həll etmək lazımdır, digər ölkələrdən yardım istəmək erməni xalqına heç bir faydası olmaz", - N.Kurtulmuş vurğulayıb.  
 

N.Kurtulmuş daha sonra deyib: "Cənab prezidentimizin Qarabağ zəfərindən sonra təklif etdiyi kimi 6 ölkənin - Azərbaycan, Türkiyə, Rusiya, İran, Ermənistan və Gürcüstanın birgə platforma yaradaraq problemləri öz aralarında həll etməsi ən doğru yoldur. Azərbaycanla Ermənistan arasındakı problemlərin həlli yolu da müharibədən sonra bərqərar edilən sülh şəraitinin davam etdirilməsindən keçir. Problemlər müzakirə yolu ilə həll edilməlidir"