Milli Məclisin deputatı Müşfiq Məmmədli Sumqayıt şəhəri, Kimyaçılar qəsəbəsində yerləşən 3 saylı yataqxananın vəziyyətini yaxından öyrənmək üçün həmin ərazidə olub.
Sumqayit.tv xəbər verir ki, sözügedən yataqxana şəhərin ilk tikililərindən hesab olunur. 1935-1936-cı illərdə inşa edilən tikilidə hazırda 23 ailə yaşayır. Fövqaladə Hallar Nazirliyi yataqxana ilə bağlı 6 dəfə akt tərtib edərək binanın qəzalı durumda olduğunu, yaşayış üçün yararsız və təhlükəli hala düşdüyünü bildirmişdir. Deputat sakinlərlə görüş zamanı lazımi qeydlər aparıb. Bildirib ki, yaranmış vəziyyətlə bağlı tez bir zamanda reaksiya verilməsi üçün aidiyyatı qurumlar məlumatlandırılacaq, tərəfimizdən rəsmi müraciət ediləcək.