Fevralın 27-də Sumqayıt şəhərinin 8-ci mikrorayon ərazisində vətəndaş müraciətlərinin dinlənilməsi məqsədilə səyyar qəbul təşkil olunub.
Sumqayit.tv xəbər verir ki, qəbul Sumqayıt Şəhər İcra Hakimiyyətinin başçısı Zakir Fərəcovun iştirakı ilə keçirilib.

Görüşdə icra hakimiyyətinin nümayəndələri, aidiyyəti qurumların məsul şəxsləri və yerli sakinlər iştirak ediblər. Qəbul zamanı vətəndaşlar tərəfindən sosial-məişət məsələləri, kommunal xidmətlər, infrastruktur və abadlıqla bağlı müxtəlif müraciətlər səsləndirilib.

Müraciətlərin bir hissəsi yerində araşdırılıb, digər məsələlərin həlli üçün aidiyyəti qurumlara baxılması məqsədilə yönləndirilib və müvafiq tapşırıqlar verilib.

Görüş çərçivəsində şəhərdə həyata keçirilən yenidənqurma və infrastruktur layihələri barədə məlumat təqdim olunub. Bildirilib ki, vətəndaş müraciətlərinin birbaşa dinlənilməsi məqsədilə səyyar qəbulların keçirilməsi davam etdirilir.

28-02-2026, 18:36 29