Azərbaycan Prezidenti İlham Əliyev səhnə fəaliyyəti ilə bağlı bir qrup incəsənət xadiminə Azərbaycan Prezidentinin mükafatlarının verilməsi barədə Sərəncam imzalayıb.

Sumqayit.tv xəbər verir ki, mükafata layiq görülənlər arasında Sumqayıt Dövlət Dram Teatrının yaradıcı heyət üzvləri də yer alıb.

Sərəncama əsasən, teatrın Yaradıcılıq şöbəsinin müdiri, Xalq artisti Firudin Məhərrəmov, Əməkdar artist Sədaqət Nuriyeva və dram artisti Habil Xanlarov Prezident mükafatına layiq görülüblər.

Qeyd edək ki, uzun illər teatr sənətinin inkişafına töhfə verən incəsənət xadimlərinin dövlət səviyyəsində təltif olunması mədəniyyət sahəsinə göstərilən diqqətin göstəricilərindən hesab olunur.