Dövlət İmtahan Mərkəzinin İdarə Heyətinin sədri Məleykə Abbaszadə subbakalavrların ali təhsil müəssisələrinə qəbulu ilə bağlı açıqlama verib.
Sumqayit.tv xəbər verir ki, DİM sədri APA-ya müsahibəsində subbakalavrların qəbul olunduğu universitetlər sırasında Sumqayıt Dövlət Universitetinin də adını çəkib.
Məleykə Abbaszadə bildirib ki, subbakalavrlar müxtəlif ali təhsil müəssisələrinə, o cümlədən Sumqayıt Dövlət Universitetinə qəbul olurlar.
Onun sözlərinə görə, bəzi universitetlərdə subbakalavrların payı 40 faizdən çoxdur. Sumqayıt Dövlət Universitetində isə bu göstərici 20 faizdən yuxarıdır.
Qeyd edək ki, subbakalavrlar kollecləri bitirdikdən sonra müəyyən qaydalar əsasında ali təhsil müəssisələrinə qəbul olmaq imkanı əldə edirlər.
14-05-2026, 21:54
368
