Azərbaycanda ali təhsil müəssisələrində diplomların elektron formada təqdim olunmasına başlanılır.
Sumqayit.tv Modern.az-a istinadən xəbər verir ki, əldə olunan məlumata görə, Elm və Təhsil Nazirliyi bununla bağlı universitetlərə müvafiq təlimatlar göndərib. Bildirilib ki, bu tədris ilindən etibarən bakalavr və magistr məzunlarının diplomları elektron formatda təqdim ediləcək.
Yeni sistemə əsasən, məzunlar diplomlarını "myGov" platforması üzərindən asanlıqla əldə edə biləcəklər.
Hazırda universitetlərdə diplomlar əsasən fiziki formada hazırlanır və blankların hazırlanması, məlumatların yoxlanılması, qeydiyyat və imzalanma prosesləri səbəbindən məzunlar sənədi almaq üçün bir neçə ay gözləməli olurlar.
Yeni tətbiqin bu prosesi daha sürətli və rahat edəcəyi gözlənilir.
Bu gün, 14:25
9
