Sabah – 30 iyun tarixində 2026/2027-ci tədris ili üzrə Bakı və ölkənin müxtəlif bölgələrində fəaliyyət göstərən bir sıra lisey və gimnaziyaların 7-ci sinfinə qəbul imtahanı keçiriləcək.

Sumqayit.tv xəbər verir ki, Məktəbəqədər və Ümumi Təhsil üzrə Dövlət Agentliyi bildirib ki, imtahanda şagirdlərə tədris dili və riyazi təfəkkürü yoxlayan müxtəlif tipli suallar təqdim olunacaq.

Şagirdlər imtahan keçiriləcək məkana ən azı 1 saat əvvəl gəlməli, özləri ilə şəxsiyyət vəsiqəsini (və ya digər şəxsiyyəti təsdiq edən sənədi) və fotoşəkilli buraxılış vərəqəsini gətirməlidirlər.

Qeyd olunub ki, mobil telefon, ağıllı saat, qulaqlıq və digər elektron cihazların imtahan mərkəzinə gətirilməsi qadağandır. Həmçinin, köçürmə və digər qayda pozuntularına yol verən şagirdlər imtahandan xaric edilə bilərlər.

29-06-2026, 15:37 67