2025-ci ildə Uşaq və Ailələrə Dəstək Mərkəzlərinin xidmətlərindən 29 mindən çox vətəndaş yararlanıb

2025-ci il ərzində ölkə üzrə, o cümlədən Sumqayıt şəhərində fəaliyyət göstərən Uşaq və Ailələrə Dəstək Mərkəzlərinin xidmətlərindən 29 min 746 nəfər faydalanıb.

Sumqayit.tv xəbər verir ki, bu barədə Ailə, Qadın və Uşaq Problemləri üzrə Dövlət Komitəsinin sədri Bahar Muradova 2025-ci ildə Komitənin fəaliyyətinin yekunlarına həsr olunmuş tədbirdə məlumat verib.

Onun sözlərinə görə, il ərzində mərkəzlərə 1888 müraciət daxil olub, UADM əməkdaşları tərəfindən 1159 ailəyə səfər edilib. Bu səfərlərin 560-ı təhsildən yayınma, erkən evlilik, məişət zorakılığı, ailədaxili mübahisələr və qəyyumluq məsələləri ilə bağlı olub.

Bildirilib ki, erkən evlilik faktları üzrə 36 ailəyə səfər edilib, 22 halın qarşısı alınıb, 81 uşaq təhsilə cəlb olunub. Məişət zorakılığı ilə bağlı müraciətlər əsasında isə 109 vətəndaşa mühafizə orderi verilib.

Qeyd olunub ki, mühafizə orderlərinin sayı əvvəlki illərlə müqayisədə artıb. Belə ki, 2022-ci ildə 46, 2023-cü ildə 83, 2024-cü ildə isə 108 mühafizə orderi qeydə alınıb.

13-02-2026, 15:01 80