Sumqayıt şəhərində yerləşən Fikrət Əmirov adına 5 nömrəli uşaq musiqi məktəbi əsaslı təmir ediləcək.

Sumqayit.tv  Baku.ws-in məlumatına əsasən xəbər verir ki, təmir-tikinti işlərini Əsaslı Tikinti və Təchizat MMC həyata keçirəcək.

Məlumata görə, ilkin mərhələdə məktəbin əsaslı təmiri ilə bağlı texniki sənədlər və xərclər smetası hazırlanacaq. Bu mərhələdə görüləcək işlərin həcmi, yenilənəcək sahələr və tələb olunan maliyyə vəsaiti dəqiqləşdiriləcək.

Hazırlanacaq layihə-smeta sənədləri məktəbin gələcəkdə əsaslı şəkildə yenidən qurulmasına imkan verəcək. Layihənin icrası nəticəsində şagirdlər üçün daha təhlükəsiz, müasir və komfortlu tədris mühiti yaradılacağı bildirilir.

Qeyd edək ki, məktəb görkəmli bəstəkar Fikrət Əmirovun adını daşıyır.

13-02-2026, 15:31 80