Misli Premyer Liqasında çıxış edən Turan Tovuz klubu ev oyunlarını müvəqqəti olaraq Sumqayıt şəhərində keçirəcək.
Məlumata görə, komanda qarşılaşmalarını Mehdi Hüseynzadə adına Sumqayıt şəhər stadionunda oynayacaq. Qərar stadion problemləri ilə bağlı verilib.
Belə ki, Peşəkar Futbol Liqasının açıqlamasına əsasən, Tovuz şəhər stadionunun ot örtüyündə yaranmış problemlər səbəbindən “Turan Tovuz”un ev oyunlarını müvəqqəti olaraq başqa stadionda keçirməsinə icazə verilib.
Komanda daha əvvəl ev oyunlarını Azərsun Arenada keçirirdi. Lakin həmin stadionun da təmirə bağlanması səbəbindən klub liqaya müraciət edib.
Müraciət və Sumqayıt FKnın razılığı nəzərə alınaraq qərara alınıb ki, “Turan Tovuz” Misli Premyer Liqasının XXV turunun oyununu və Azərbaycan Kubokunun yarımfinal mərhələsindəki ev qarşılaşmasını Sumqayıtda keçirsin.
Qeyd olunub ki, bu oyunlardan sonra Tovuz şəhər stadionunun vəziyyəti yenidən qiymətləndiriləcək və komandanın növbəti ev matçlarının harada keçiriləcəyi ilə bağlı əlavə qərar veriləcək.
10-03-2026, 22:27
51
