Sumqayıt şəhərinin simvoluna çevrilmiş “Sülh göyərçini” abidəsinin müəlliflərindən birinin övladı, tanınmış heykəltəraş və rəssam Emin Quliyev ABŞ-ın Nyu-York şəhərində “Diaspor fəaliyyətində xidmətə görə” medalı ilə təltif edilib.

Sumqayit.tv xəbər verir ki, Diasporla İş üzrə Dövlət Komitəsinin təşkilatçılığı ilə keçirilən təqdimetmə mərasimi Azərbaycanın BMT yanındakı Daimi Nümayəndəliyində baş tutub. Tədbirdə Komitə sədrinin müavini Elşad Əliyev və Azərbaycanın BMT yanında daimi nümayəndəsi Tofiq Musayev iştirak ediblər.

Məlumat üçün bildirək ki, Emin Quliyev həm də mərhum rəssam Asim Quliyevin oğludur və bir sıra tanınmış monumental layihələrin müəllifidir.

3-07-2025, 17:57 224