Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) tərəfindən 7 şəhərlərarası və şəhərdaxili avtobus marşrutu üzrə keçirilən müsabiqənin qalibləri məlum olub.

Sumqayit.tv xəbər verir ki, “Sumqayıt–Quba” marşrutu üzrə fiziki şəxs Hümbətov Hikmət Behbud oğlu qalib elan edilib.

AYNA-nın açıqlamasında bildirilir ki, marşrut xətləri müvafiq qanunvericiliyin tələblərinə uyğun olaraq mərhələli şəkildə müsabiqəyə təqdim olunur. Məqsəd sərnişindaşıma sahəsində göstərilən xidmətin keyfiyyətini, təhlükəsizliyini və rahatlığını artırmaq, həmçinin marşrutların təhkim edilməsində şəffaflığı təmin etməkdir.

Qeyd edək ki, müsabiqə “Avtomobil nəqliyyatı haqqında” Qanuna və Nazirlər Kabinetinin 2009-cu il 3 aprel tarixli qərarı ilə təsdiqlənmiş qaydalara uyğun təşkil olunub.