Prezident İlham Əliyev yeni icra başçısı təyinatı imzaladı
Sumqayit.tv xəbər verir ki, bu gün Azərbaycan Respublikasının Prezidenti İlham Əliyevin sərəncamı ilə Balakən Rayon İcra Hakimiyyətinə yeni başçı təyin olunub.
Sərəncama əsasən, Natiq Nuşravan oğlu Ağayev Balakən Rayon İcra Hakimiyyətinin başçısı vəzifəsinə təyin edilib.
Natiq Ağayev uzun illər Dövlət Təhlükəsizliyi Xidmətinin Sumqayıt şəhər şöbəsinin rəisi vəzifəsində çalışıb və polkovnik rütbəsində xüsusi xidmət orqanlarında qulluq edib.
O, 2022-ci il 17 oktyabr tarixli Prezident sərəncamı ilə Göyçay Rayon İcra Hakimiyyətinin başçısı vəzifəsinə təyin edilmişdi. Dövlət başçısının bu gün imzaladığı yeni sərəncamla Göyçay rayonundakı fəaliyyətinə xitam verilib və Balakən rayonuna rəhbər təyin olunub.
Yeni icra başçısının Sumqayıt şəhərindəki təhlükəsizlik orqanlarında keçmiş xidməti onun peşəkar idarəçilik və dövlət qulluğu təcrübəsini daha da möhkəmləndirib.
12-11-2025, 17:14
353
