Qəbul noyabrın 28-də Xızı rayon Heydər Əliyev Mərkəzində keçiriləcək

Sumqayit.tv xəbər verir ki, Energetika naziri Pərviz Şahbazov noyabrın 28-də Sumqayıt və Abşeron rayonları da daxil olmaqla Xızı, Siyəzən və Şabran bölgələrinin sakinlərini qəbul edəcək.

Energetika Nazirliyinin məlumatına görə, qəbul saat 11:00-da Xızı rayon Heydər Əliyev Mərkəzində (ünvan: AZ8000, Xızı şəhəri, Heydər Əliyev prospekti) baş tutacaq.

Qəbula yazılmaq istəyən vətəndaşlar Energetika Nazirliyinin “974” Çağrı Mərkəzinə, 598-16-55 “Qaynar Xəttinə”, həmçinin [email protected]
elektron poçt ünvanına müraciət edə bilərlər.

Bundan əlavə, Enerji Məsələlərini Tənzimləmə Agentliyinin Sumqayıt filialı vasitəsilə də qeydiyyatdan keçmək mümkündür.
Əlaqələndirici şəxs: Seymur Hacıyev
Əlaqə telefonu: (050) 250-18-18
E-poçt: [email protected]

Nazirliyin rəsmi saytında – www.minenergy.gov.az
ünvanında yerləşən “Qəbula yazılmaq” bölməsindən də elektron formada müraciət etmək mümkündür.

13-11-2025, 10:23 109