Nazirlər Kabineti yeni qərarla üzvlərin sayını 15 nəfər müəyyənləşdirib

Sumqayit.tv xəbər verir ki,Nazirlər Kabineti Azərbaycan Respublikası Maliyyə Nazirliyinin kollegiyasının tərkibi ilə bağlı qərarda dəyişiklik edib.

Baş nazir Əli Əsədovun imzaladığı qərara əsasən, Maliyyə Nazirliyinin kollegiya üzvlərinin sayı 15 nəfər müəyyənləşdirilib.

Yeni qərara görə, kollegiyaya maliyyə naziri sədrlik edəcək. Tərkibə nazirin birinci müavini və müavinləri, Naxçıvan Muxtar Respublikasının maliyyə naziri, Nazirliyin Aparatının rəhbəri və onun müavinləri, həmçinin Dövlət Maliyyə Nəzarəti Xidmətinin rəisi daxil edilib.

Bundan əlavə, Dövlət Xəzinədarlıq Agentliyi, Dövlət Borcunun və Maliyyə Öhdəliklərinin İdarə Edilməsi Agentliyi, eləcə də Dövlət Müəssisələrinin Monitorinqi Agentliyinin direktorları da kollegiya üzvləri sırasına əlavə olunub.

30-04-2026, 13:10 300