Bu gün Azərbaycanda Polis Günü qeyd olunur.
Sumqayit.tv xəbər verir ki, İyulun 2-si Azərbaycan Polisinin yaradılmasının 108-ci ildönümüdür. Polis orqanlarının əsası 1918-ci il iyulun 2-də Azərbaycan Xalq Cümhuriyyəti hökumətinin qərarı ilə qoyulub.
Ötən 108 il ərzində Azərbaycan polisi ölkədə ictimai asayişin qorunması, cinayətkarlığa qarşı mübarizə, vətəndaşların hüquq və azadlıqlarının müdafiəsi, eləcə də təhlükəsizliyin təmin olunması istiqamətində fəaliyyət göstərib.
Müstəqillik illərində daxili işlər orqanlarının maddi-texniki bazası gücləndirilib, kadr hazırlığı təkmilləşdirilib və polis xidməti müasir tələblərə uyğun inkişaf etdirilib.
Hər il iyulun 2-si ölkəmizdə Polis Günü kimi qeyd olunur. Bu münasibətlə daxili işlər orqanlarının əməkdaşları və veteranları peşə bayramlarını qeyd edirlər.