Müttəfiq ölkələr Rusiyanın tammiqyaslı hərbi təcavüzündən qorunmaq üçün Ukraynaya lazım olan silahların tədarükünü artırmalıdır.

Sumqayit.tv Axar.az-a istinadən xəbər verir ki, bunu Estoniya Baş naziri Kaya Kallas deyib.
“Mən bütün müttəfiqləri, o cümlədən Almaniyanı Ukraynaya özünü müdafiə etmək üçün lazım olan hər şeyi göndərməyə çağırıram”, - Kallas bildirib.
Kallas vurğulayıb ki, Ukraynaya silah tədarükünün sürətləndirilməsi mülki insanlar arasında qurbanların sayının artmasının qarşısını alacaq:
“Əgər bütün müttəfiqlər yanvar və ya fevral aylarında silah göndərsəydilər, çoxlu insan həyatını xilas edə bilərdilər”.