Tiflis Şəhər Məhkəməsində Gürcüstanın həbsdə olan üçüncü Prezidenti Mixail Saakaşvilinin cəzasının təxirə salınması ilə bağlı məhkəmə iclası keçirilir.
Sumqayit.tv Bakupost.az-a istinadən xəbər verir ki, M.Saakaşvili səhhətindəki problemlərlə əlaqədar iclasa müalicə aldığı klinikadan onlayn şəkildə qoşulub. Məhkəmədə Saakaşvilini müayinə edən ekspertlərin dinləniləcəyi qeyd olunub.
Keçmiş Prezidentin valideynləri və tərəfdarları da məhkəmə iclasında iştirak edirlər.
İclasla eyni vaxtda Vahid Milli Hərəkat Partiyasının nümayəndələri və Saakaşvilinin tərəfdarları Tiflis Şəhər Məhkəməsinin binasının ətrafına toplaşıblar.
***
Gürcüstanın sabiq prezidenti Mixail Saakaşvilinin cəzasının təxirə salınması məsələsi üzrə ötən gün keçirilən məhkəmə iclası hakimin qərarı ilə dekabrın 29-u, saat 11:00-da davam etdiriləcək.
Bu barədə Saakaşvilinin vəkili Şalva Xaçapuridze mətbuata verdiyi açıqlamasında bildirib.
Vəkil Saakaşvilinin səhhətinin son dərəcə ağır olduğu üçün hakimdən prosesin növbəti günə təyin edilməsini istəyib. Hakim isə öz növbəsində məhkəmə iclasının gündəlik keçirilməsinin mümkün olmadığını bildirib.