Gürcüstanın eks-prezidenti Mixeil Saakaşvili nümunələrin xaricə göndəriləcəyi təqdirdə ölkədən çıxa biləcəyi ilə bağlı məlumatı yoxlamaq üçün ölkə ekspertləri tərəfindən toksikoloji ekspertizadan keçəcək.
Sumqayit.tv xəbər verir ki, onun vəkili İliya Lomia şərtləri açıqlayıb.
"O, yalnız nümunələr xaricə göndərilərsə və prosesə öz eksperti cəlb olunarsa, ekspertizaya razılıq verəcək", - vəkil deyib.
Lomiyanın sözlərinə görə, Gürcüstan Milli Ekspertiza Bürosu toksikoloji tədqiqat apara bilmir və bu, respublika ekspertlərinin obyektivliyinə şübhələr yaradır.
Qeyd edək ki, bir müddət əvvəl amerikalı psixiatr Erik Qoldsmit həbsdə olan Saakaşvilinin demensiya əlamətlərinin olduğunu bildirmişdi.
Gürcüstan Ədliyyə Nazirliyinin Xüsusi Penitensiar Xidmətinin tibb şöbəsinin rəisi Malxaz Urtkmelidze siyasətçinin orqanizmində normadan artıq zəhərli maddələrin olmamasından danışıb. İddia edilib ki, sabiq prezidentin zəhərlənməsi təsdiqini tapmır.
Dekabrın 1-də tibb mütəxəssisləri Saakaşvilidə on xəstəlik aşkar ediblər. Məsləhət görüblər ki, həbsdən çıxsın. Siyasətçinin vəziyyəti ağır kimi qiymətləndirilir. Açıqlamaya görə, eks-prezidentin neyropsixiatrik və qastroenteroloji problemləri var.

Publika.az