Türkiyənin Sabiha Gökçen Hava Limanında uçuşlar dayandırılıb.
Sumqayit.tv Türkiyə KİV-ə istinadən xəbər verir ki, İstanbulun Tuzla rayonunda Təpəören ərazisində iş zamanı təbii qaz borusu partlayıb. Buna görə Sabiha Gökçen Hava Limanında ehtiyat tədbiri olaraq uçuşlar dayandırılıb.
Eniş üçün təyyarələr İstanbul Hava Limanına yönləndirilib.
Hansısa təhlükəsizlik probleminin olmadığı müəyyənləşdirilib və bir saat sonra uçuşlar bərpa edilib.