Çinin 57 təyyarəsi və dörd gəmisi Tayvana yaxınlaşdı
Sumqayit.tv xəbər verir ki, bu barədə Tayvan Müdafiə Nazirliyi məlumat yayıb.
“Yanvarın 8-i səhər saat 6:00-dan yanvarın 9-u səhər saat 6:00-a qədər Çin Xalq Azadlıq Ordusunun 57 təyyarəsi və 4 gəmisi Tayvan ətrafında müşahidə edilib”, - nazirliyin açıqlamasında bildirilir.
Qeyd olunur ki, adanın hava hücumundan müdafiə zonasına 28 təyyarə, o cümlədən üç BZK-005 pilotsuz təyyarəsi, altı J-11 qırıcısı, iki Su-30, 12 J-16 və iki J-10, iki H-6 strateji bombardmançısı və bir təyyarə daxil olub. Tayvan vəziyyəti izləmək üçün hava və dəniz patrulları göndərib.
9-01-2023, 16:38
124
