ABŞ Dövlət Departamenti Rumıniyaya təxminən 2,53 milyard dollar dəyərində “Abrams” tanklarının mümkün satışını təsdiqləyib.
Axar.az xəbər verir ki, bu barədə “Amerikanın Səsi” Pentaqon rəsmilərinə istinadən məlumat yayıb.
Mümkün sövdələşmənin təfərrüatları hələ açıqlanmayıb.
Qeyd edilir ki, bu ilin may ayında Rumıniya Parlamenti ölkənin Müdafiə Nazirliyinin ABŞ-dan 54 ədəd M1A2 Abrams tankının alınmasına icazə verilməsi ilə bağlı müraciətini təsdiqləyib. Rumıniya hərbçiləri müvafiq avadanlıq və xidmətlərlə birlikdə ABŞ-dan 54 tank almağı planlaşdırırdı.