Türkiyə ABŞ-ı hərbi qüvvələrini Suriyadan geri çəkməyə və PKK/YPG terror təşkilatına dəstək verməməyə çağırıb.
Sumqayit.tv xəbər verir ki, bu barədə “Blumberq” məlumatlı mənbələrə istinadla yazır.
Türkiyə rəsmisi nəşrə bildirib ki, Ankara bunun müqabilində Vaşinqtona Suriyada İŞİD terror təşkilatı ilə mübarizə missiyasını üzərinə götürmək təklifini verib.
Türkiyə, həmçinin Suriyanın şimal-şərqindəki on minlərlə İŞİD məhbusu və onların ailələri üçün məsuliyyəti öz üzərinə götürməyə hazır olduğunu bəyan edib. ABŞ-ın bu təklifə necə cavab verəcəyi maraq doğurur. //Teleqraf.com