Suriya Təhsil Nazirliyi orta məktəb şagirdləri üçün tədris proqramı və dərsliklərdə bəzi dəyişiklikləri açıqlayıb.
Sumqayit.tv "Türkiyənin Səsi"nə istinadən xəbər verir ki Əsəd ailəsinə aid hər cür təriflər, eləcə də küfr ehtiva edən bütün ifadələr tədris planından çıxarılır. Bundan başqa, dəyişikliklərə əsasən “Vətən naminə” ifadəsi “Allah rizası üçün” ifadəsi ilə əvəz edilib.
Millətçilik dərsləri islamşünaslıq dərsləri ilə əvəz olunur. Osmanlı dövründən qalma Suriya ilə bağlı bütün mənfi istinadlar məktəb proqramlarından çıxarılacaq.
Artıq təkamül nəzəriyyəsi öyrədilməyəcək, şiə şairlərinin şeirləri, pan-ərəbizmi və Əsəd sülaləsini tərənnüm edən şeirlər də dərsliklərdən yığışdırılacaq.