“Tesla” və “SpaceX” şirkətlərinin qurucusu, "X" sosial şəbəkəsinin sahibi İlon Mask ilk dəfə ictimaiyyət arasında 3 övladının anası "Neuralink" şirkətinin xüsusi layihələr üzrə direktoru Şivon Zilislə görünüb.
Onlar ABŞ-nin 47-ci Prezidenti Donald Trampın təşkil etdiyi şam yeməyinə qatılıblar. Gecədə milyarderin oğlu da iştirak edib.
Zilis tədbir boyunca "Amazon"un qurucusu Ceff Bezos, onun nişanlısı Lauren Sançez, Trampın qızı İvanka Tramp, onun həyat yoldaşı Cared Kuşnerlə danışıb. 
Qeyd edək ki, Maskla Zilisin 2021-ci ildə Texasda əkizləri doğulub. Mask ötən ilin əvvəlində daha bir övladlarının olduğunu açıqlayıb. Milyarderin umumilikdə 12 övladı var.    (Axşam.az)