Rusiya Ukraynada və Avropada yerləşən minlərlə müşahidə kamerasını sındıraraq, Ukrayna Silahlı Qüvvələrinə göndərilən hərbi yardımların marşrutunu izləyib.

Bu barədə "The Guardian" Britaniya kəşfiyyatına istinadən məlumat yayıb.

Bildirilir ki, əsasən hərbi obyektlər və dəmir yolu stansiyalarının yaxınlığında yerləşən 10 minə yaxın müşahidə kamerası Rusiya tərəfindən izləmə məqsədilə ələ keçirilib.

Bu kameraların 80 faizi (təxminən 8 min ədəd) Ukraynada, 10 faizi Rumıniyada, 4 faizi Polşada, 2,8 faizi Macarıstanda və 1,7 faizi Slovakiyada yerləşib. //Musavat.com