Qarabağ Qələbəsinin 5-ci ildönümündə İzmirin Konak meydanında şəhidlərin xatirəsini anmaq məqsədilə lokma paylanılıb. Tədbirdə Türkiyə-Azərbaycan Dərnəkləri Federasiyasına bağlı İzmir Azərbaycan Mədəniyyət Dərnəyi birlik mesajı verib

İzmirdə Qarabağ Qələbəsinin 5-ci ildönümündə şəhidlər üçün lokma paylanıldı

Türkiyə-Azərbaycan Dərnəkləri Federasiyasına bağlı İzmir Azərbaycan Mədəniyyət və Həmrəylik Dərnəyi 8 Noyabr Qarabağ Qələbəsinin ildönümü münasibətilə Konak meydanında şəhidlər üçün anım tədbiri təşkil edib.

Lokma xeyriyyəsinin keçirilməsində əsas təşəbbüskar, Türkiyə-Azərbaycan Dərnəkləri Federasiyasının idarə heyətinin üzvü və İzmir Azərbaycan Mədəniyyət və Həmrəylik Dərnəyinin sədri Eşrəf Tuna, Barınajans müxbiri Hasan Barına tədbir haqqında açıqlama verib. Sədr Eşrəf Tunanın açıqlamasını əks etdirən videonun linki:
🔗 https://youtube.com/shorts/00ZMw49iHLc?si=MBr-Uoyal8Aw8hcy

8 Noyabr 2020-ci ildə qazanılan Qarabağ Qələbəsinin 5-ci ildönümü İzmir şəhərində mənalı bir tədbirlə qeyd olunub. Türkiyə-Azərbaycan Dərnəkləri Federasiyası və İzmir Azərbaycan Mədəniyyət və Həmrəylik Dərnəyi tərəfindən təşkil edilən tədbirdə şəhidlərin ruhuna dualar oxunub və lokma paylanılıb.

İzmirlilər tədbirə böyük maraq göstəriblər. Azərbaycan və Türkiyə bayraqları ilə Konak meydanında toplaşan iştirakçılar Qarabağ şəhidlərini rəhmətlə yad ediblər.

Dərnək nümayəndələri çıxışlarında bildiriblər:

“Qarabağ Qələbəsi təkcə Azərbaycanın deyil, bütün Türk dünyasının qələbəsidir. Bu mənalı gündə şəhidlərimizi rəhmətlə anırıq.”

Tədbir boyunca Konak meydanında “İki dövlət, bir millət” mesajı ön planda olub.

9-11-2025, 22:55 331