İranın yeni Ali Rəhbəri Ayətullah Seyid Müctəba Xamenei atası, sabiq Ali Rəhbər Ayətullah Seyid Əli Xameneinin dəfn mərasimində iştirak etməyəcək.Məlumata görə, bu qərar təhlükəsizlik riskləri nəzərə alınaraq qəbul edilib.
Sumqayit.tv xəbər verir ki,bu barədə İranın Ali Rəhbərinin Hindistandakı nümayəndəsi Ayətullah Həkim Elahi India Today nəşrinə açıqlamasında məlumat verib.
Xatırladaq ki, bundan əvvəl İsrailin müdafiə naziri İsrael Katz Müctəba Xameneinin hədəf siyahısında olduğunu bildirmişdi. İranın xarici işlər naziri Abbas Əraqçi isə ölkə rəhbərliyinə qarşı istənilən təhdidə qətiyyətli cavab veriləcəyini bəyan etmişdi.
Qeyd edək ki, Ayətullah Seyid Əli Xamenei fevralın 28-də ABŞ və İsrailin həyata keçirdiyi aviazərbələr nəticəsində həyatını itirib. Bundan sonra İranın Ali Rəhbəri vəzifəsinə onun oğlu Ayətullah Seyid Müctəba Xamenei seçilib.
2-07-2026, 19:13
58
