Sumqayıtda ağacların qanunsuz kəsilməsi faktı aşkarlanıb.
Sumqayit.tv xəbər verir ki, Dövlət Ekoloji Təhlükəsizlik Xidməti tərəfindən keçirilən nəzarət tədbirləri zamanı Sumqayıt şəhərində yaşıllıqların qanunsuz kəsilməsi faktları müəyyən edilib.

Məlumata görə, araşdırmalar zamanı şəhərin H.Z. Tağıyev qəsəbəsi S.Bəhlulzadə küçəsi və 48-ci məhəllə ərazisində ağacların qanunsuz kəsildiyi aşkar olunub. Nəticədə yaşıllıqlara ciddi maddi ziyan dəydiyi bildirilib.

Qeyd olunub ki, hər bir fakt üzrə dəymiş ziyanın məbləği cinayət tərkibi yaratdığından, toplanmış materiallar hüquqi qiymət verilməsi üçün hüquq‑mühafizə orqanlarına göndərilib.

Faktla bağlı araşdırmalar davam etdirilir.

7-03-2026, 11:14 74