İyulun 1-də Azərbaycanda gözlənilən hava şəraiti açıqlanıb.

Sumqayit.tv xəbər verir ki, bu barədə Milli Hidrometeorologiya Xidməti məlumat yayıb.

Məlumata görə, Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Lakin gecə saatlarında bəzi ərazilərdə qısamüddətli yağış yağacağı ehtimal edilir. Şimal-qərb küləyi əsəcək.

Paytaxt və Abşeronda havanın temperaturu gecə 18–21°, gündüz isə 26–31° isti təşkil edəcək.

Azərbaycanın rayonlarında isə bəzi yerlərdə arabir yağış yağacağı, ayrı-ayrı ərazilərdə yağıntının intensivləşəcəyi, şimşək çaxacağı və dolu düşəcəyi proqnozlaşdırılır. Gecə yağıntıların bəzi bölgələrdə güclənəcəyi, axşama doğru isə əksər rayonlarda tədricən kəsiləcəyi gözlənilir.

Dağlıq ərazilərdə gecə və səhər saatlarında duman müşahidə olunacaq. Mülayim şərq küləyi bəzi yerlərdə arabir güclənəcək.

Havanın temperaturu rayonlarda gecə 17–21°, gündüz 28–33°, dağlıq ərazilərdə isə gecə 8–13°, gündüz 17–22°, bəzi yerlərdə 24–28° isti olacaq

Bu gün, 13:25 7