Altus oteli 8400 manat cərimələnib
Nərimanov rayonunda karantin qaydalarını pozaraq gecə saatlarında fəaliyyət göstərən restoran aşkar edilib. Profilaktik tədbir zamanı Ə.Rəcəbli küçəsində yerləşən "Altus" otelinin daxilində yerləşən restoranın karantin qaydalarını pozaraq saat 00:00-dan sonra işlədiyi müəyyən edilib.
Karantin qaydalarına əməl etməyən 22 nəfər və otelin icarədarı barəsində İnzibati Xətalar Məcəlləsinin müvafiq maddəsi ilə protokol tərtib edilib və onlar ümumilikdə 8 400 manat cərimə ediliblər.
Obyektdə olan daha 2 nəfər polisin qanuni tələbinə əməl etmədiklərinə, eləcə də tabesizlik göstərdikləri üçün onlar barəsində tərtib edilmiş protokol və toplamış material baxılması üçün Nərimanov Rayon Məhkəməsinə göndərilib.
16-11-2021, 14:17
196
Digər xəbərlər
