Dünən gün axşam saatlarında Ağstafanın Dağ Kəsəmən kəndindəində ağır yol-nəqliyyat qəzası  baş verib.
Sumqayit.tv-yə Fövqəladə Hallar Nazirliyindən (FHN) verilən məlumata görə, hadisə zamanı bir nəfər vətəndaş avtomobilin içərisində sıxılmış vəziyyətdə qalıb. "102 qaynar xəttində məlumat daxil olan kimi hadisə yerinə dərhal FHN-in yanğınsöndürən-xilasediciləri cəlb edilib".
Müəyyən olunub ki, VAZ-2107 markalı minik avtomobilinin idarəetməni itirərək yol kənarındakı elektrik dirəyinə çırpılması nəticəsində yol-qəza hadisəsi baş verib və sərnişin - 1991-ci il təvəllüdlü Musa Şahin oğlu Qocayev deformasiyaya uğrayan avtomobildə sıxılmış vəziyyətdə qalıb.
Yanğınsöndürən-xilasedicilər xüsusi vasitələrlə avtomobildə sıxılı vəziyyətdə qalan və müxtəlif bədən xəsarətləri alan vətəndaşı xilas edərək təcili tibbi yardım briqadasına təhvil veriblər.
Hadisə ilə əlaqədar təhqiqat aparılır.