Sumqayıtda yerləşən mebel fabriklərindən birinə məxsus süngər anbarında güclü yanğın qeydə alınıb. 

Sumqayit.tv-yə daxil olan məlumata görə, yüksək alovlanma sürətinə malik süngər materialları səbəbindən yanğın cəmi bir neçə dəqiqə ərzində bütün anbar sahəsini əhatə edib.

Fövqəladə Hallar Nazirliyinin Dövlət Yanğından Mühafizə Xidmətinin əməkdaşları hadisə yerinə operativ şəkildə cəlb olunaraq alovun ətraf ərazilərə yayılmasının qarşısını alıblar. Yanğın nəzarətə götürülərək tamamilə söndürülüb.

Əldə etdiyimiz məlumata əsasən, anbarın içində olan bütün materiallar tamamilə yanaraq istifadəyə yararsız hala düşüb. Xoşbəxtlikdən, hadisə zamanı insan tələfatı və ya xəsarət alan olmayıb.

Hazırda yanğının başvermə səbəbləri araşdırılır. Faktla bağlı aidiyyəti qurumlar tərəfindən müvafiq təhqiqat tədbirləri həyata keçirilir.

Qeyd edək ki, hadisə iyulun 14-ü günorta saatlarında şəhərin Azərbaycan prospektində baş verib.

15-07-2025, 12:25 196