Üzərinə mərmər daşı düşən 45 yaşlı kişi xəstəxanada dünyasını dəyişib

Sumqayit.tv xəbər verir ki, Abşeron rayonunun Xırdalan şəhərində Sumqayıt sakini mərmər daşının altında qalaraq ölüb.

Məlumata görə, hadisə mərmər daşlarının yüklənməsi zamanı baş verib. 1980-ci il təvəllüdlü Ziyad Məmməd oğlu Həsənov idarə etdiyi yük avtomobilinə mərmər yükləyərkən daş onun üzərinə düşüb.

Ağır xəsarət alan Ziyad Həsənov xəstəxanaya çatdırılsa da, həkimlərin səylərinə baxmayaraq onun həyatını xilas etmək mümkün olmayıb.

Faktla bağlı araşdırmalar aparılır.

Dünən, 11:42 39