Bir ailədən iki nəfərin ölümü, dörd nəfərin xəsarət alması ilə nəticələnən yol qəzası ilə bağlı təqsirləndirilən Mirzə Dadaşovun barəsində çıxarılan hökmlə bağlı Ali Məhkəmədə baxış yekunlaşıb.

Sumqayit.tv xəbər verir ki, Pravda.az-ın məlumatına görə, hakim İlkin Rəcəbovun sədrliyi ilə keçirilən iclasda qərar elan olunub. Qərara əsasən, Mirzə Dadaşovun kassasiya şikayəti təmin edilməyib.

Xatırladaq ki, hadisə 2024-cü il iyulun 2-də, gecə saat 22 radələrində Sumqayıtda baş verib. 1985-ci il təvəllüdlü Mirzə Dadaşov Saray qəsəbəsindən ailə üzvlərini “Toyota Prius” markalı avtomobillə Sumqayıta apararkən yol hərəkəti qaydalarını pozaraq əks istiqamətdən gələn “Hyundai SantaFE” markalı avtomobillə toqquşub.

Qəza nəticəsində Xaləddin Məmmədov və gəlini Ləman Məmmədova aldıqları xəsarətlərdən dünyasını dəyişiblər, daha dörd nəfər xəsarət alıb.

Məhkəmənin hökmü ilə Mirzə Dadaşov 7 il müddətinə azadlıqdan məhrum edilib.

12-11-2025, 12:17 73