Daxili İşlər Nazirliyinin əməkdaşları tərəfindən keçirilən əməliyyat tədbirləri nəticəsində Sumqayıt şəhərində oğurluq faktı qeydə alınıb.

Sumqayit.tv xəbər verir ki, şəhər ərazisində yerləşən marketlərin birindən 250 manat məbləğində oğurluq etməkdə şübhəli bilinən N.Məmmədov polis əməkdaşları tərəfindən müəyyən edilərək saxlanılıb.

Eyni zamanda, ölkənin müxtəlif ərazilərində baş verən digər oğurluq faktları da hüquq-mühafizə orqanları tərəfindən operativ şəkildə araşdırılıb. Belə ki, Qaradağ rayonu Lökbatan qəsəbəsində yerləşən bazarların birindən 5400 manat dəyərində kənd təsərrüfatı məhsulu talanıb. Əməli törətməkdə şübhəli bilinən 26 yaşlı İ.Sahibcanov və 35 yaşlı H.Yusibov saxlanılıblar.

Bundan başqa, Nəsimi rayonunda mağazalardan birindən mobil telefon oğurlayan 47 yaşlı A.Qurbanov da polis tərəfindən tutulub.

Faktlarla bağlı araşdırmalar davam etdirilir. /Trend

Dünən, 12:10 6