Sumqayıtda tanışlar arasında baş verən mübahisə qanla nəticələnib.

Sumqayit.tv Baku Tv-yə istinadən xəbər verir ki, hadisə şəhərin Xəzər bağları yaşayış massivində qeydə alınıb.

Məlumata görə, 30 yaşlı Cabbar Əliyev münaqişə zəminində 28 yaşlı Yusif Xudaverdiyevə bıçaqla xəsarət yetirib.

Hadisə şahidlərindən biri baş verənləri belə təsvir edib:

“Axşam saatlarında səs-küy eşidib qonşularla birlikdə çölə çıxdıq. Gördük ki, dava edirlər. Səs-küy daha da artdı, sonra biri o birini bıçaqladı. Amma kim kimi və necə bıçaqladı, xəbərim yoxdur. Sonra polis və təcili tibbi yardım əməkdaşları gəldilər”.

Yaralı dərhal Sumqayıt Şəhər Təcili Tibbi Yardım Xəstəxanası-na çatdırılıb.

Polis əməkdaşlarının keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən Cabbar Əliyev saxlanılıb.

Faktla bağlı araşdırma aparılır.

Videonu təqdim edirik:

3-03-2026, 14:51 86