Sumqayıt şəhərində avtomobildən oğurlanan ehtiyat hissələrini başqa nəqliyyat vasitələrinin təmirində istifadə edən ustalar saxlanılıb.

Sumqayit.tv xəbər verir ki, bu barədə Daxili İşlər Nazirliyi məlumat yayıb.

Bildirilib ki, Sumqayıt Şəhər Polis İdarəsinin 4-cü Polis Bölməsi əməkdaşlarının keçirdikləri əməliyyat tədbirləri nəticəsində əməli törətməkdə şübhəli bilinən 34 yaşlı Q.Rəcəbov və 22 yaşlı A.Quliyev müəyyən edilərək saxlanılıblar.

Araşdırma zamanı məlum olub ki, saxlanılan şəxslər avtomobil ustalarıdır. Zərərçəkən şəxs nəqliyyat vasitəsini təmir məqsədilə onların yanına gətirib. Lakin ustalar avtomobilin bəzi ehtiyat hissələrini oğurlayaraq digər maşınların təmirində istifadə ediblər.

Faktla bağlı araşdırma aparılır.

7-03-2026, 21:22 67