Bakıda işlədiyi mağazada bıçaqlanan Sumqayıt şəhər sakini Leyla Quliyevaya qarşı törədilən hadisə ilə bağlı məhkəmə prosesi davam edib.

Sumqayit.tv xəbər verir ki, Fəxrəddin Quliyevin cinayət işi üzrə keçirilən növbəti iclasda şahid ifadələri dinlənilib.

Şahid O.Q bildirib ki, hadisə zamanı mağazada olsa da, bıçaqlanma anını görməyib. Onun sözlərinə görə, aşağı mərtəbəyə çağırıldığı üçün hadisə yerindən ayrılıb, yalnız qab-qacağın səsini eşidib. Geri qayıtdıqda isə Leyla Quliyevanı yerdə uzanmış, Fəxrəddin Quliyevi isə əlində bıçaqla onun başı üzərində dayanmış vəziyyətdə görüb.

Məhkəmə prosesi iyulun 15-də saat 16:30-da davam etdiriləcək.

Qeyd edək ki, hadisə 2025-ci il dekabrın 2-də Bakıda yerləşən "Kontakt Home" mağazasında baş verib. İstintaqın məlumatına görə, Fəxrəddin Quliyev həyat yoldaşı Leyla Quliyevaya çoxsaylı bıçaq zərbələri endirərək onu öldürməyə cəhd edib. Zərərçəkən xəstəxanaya çatdırılıb, təqsirləndirilən şəxs isə Cinayət Məcəlləsinin qəsdən adam öldürməyə cəhd maddəsi ilə məsuliyyətə cəlb olunub. 

Bu gün, 21:59 7