Sumqayıt şəhərində həyat yoldaşına xəsarət yetirməkdə təqsirləndirilən şəxslə bağlı cinayət işinə baxılıb.

Sumqayit.tv Demokrat.az-a istinadən xəbər verir ki, 30 yaşlı Orxan (ad şərtidir) ailədaxili mübahisə zamanı həyat yoldaşı Sənəmə (ad şərtidir) şillə vuraraq ona xəsarət yetirməkdə ittiham olunub.

İstintaq materiallarına əsasən, mübahisəyə ev üçün alınan qaz sobası səbəb olub. Təqsirləndirilən şəxs məhkəmədə bildirib ki, əlavə xərc çəkildiyini düşündüyü üçün aralarında mübahisə yaranıb və əsəbiləşərək həyat yoldaşına zərbə endirib.

Faktla bağlı ona Cinayət Məcəlləsinin 128-ci maddəsi (qəsdən sağlamlığa zərər vurma) ilə ittiham irəli sürülüb.

İşə Sumqayıt Şəhər Məhkəməsində baxılarkən tərəflərin barışdığı məlum olub. Onlar məhkəməyə barışıq barədə rəsmi ərizə təqdim ediblər.

Məhkəmə barışığı nəzərə alaraq təqsirləndirilən şəxs barəsində cinayət təqibinə xitam verib və onu cinayət məsuliyyətindən azad edib. 

Bu gün, 12:46 9