“Sumqayıt” Futbol Klubu akademiyaya yeni rəhbər təyin etməyə hazırlaşır.

Sumqayit.tv xəbər verir ki, Sportinfo.az-ın yaydığı məlumata əsasən, klub rəhbərliyi yaxınlarda “Səbail”dən ayrılan Adil Şükürova iş təklif edib.

Bildirilir ki, vaxtilə Premyer Liqada “Zirə” və “Kəpəz”i çalışdıran mütəxəssisə “Sumqayıt”ın akademiyasında fəaliyyət göstərmək təklif olunub. Şükürov təklif olunan şərtlərlə razılaşacağı təqdirdə, iyul ayından etibarən klubun uşaq futboluna rəhbərlik edəcək.

Qeyd edək ki, son səkkiz ildə bu vəzifəni türkiyəli mütəxəssis Hakan Sünal icra edib. O, 2018-ci ildə Almaniyadan dəvət olunmuş və qısa müddət əvvəl klubla yollarını ayırıb.

Adil Şükürov daha əvvəl “Bakı” klubunun akademiyasında çalışıb, Azərbaycanın U-17 yığmasına rəhbərlik edib, həmçinin “Ulduz” Futbol Məktəbində fəaliyyət göstərib.

30-06-2026, 19:00 46