“Sumqayıt” Futbol Klubunda yeni kadr təyinatı rəsmiləşib. Adil Şükürov klubun Futbol Akademiyasının direktoru vəzifəsinə gətirilib.

Sumqayit.tv xəbər verir ki, bu barədə klubun mətbuat xidməti məlumat yayıb.

Bildirilib ki, 48 yaşlı mütəxəssis bundan sonra “Sumqayıt” Futbol Akademiyasının fəaliyyətinə rəhbərlik edəcək.

Qeyd edək ki, Adil Şükürov məşqçilik karyerası ərzində “Zirə”, “Şüvəlan”, “Kəpəz” və “Səbail” klublarında baş məşqçi kimi çalışıb. O, eyni zamanda “Bakı” Futbol Akademiyasında, eləcə də Azərbaycanın U-15 və U-17 milli komandalarında məşqçi kimi fəaliyyət göstərib.

2-07-2026, 13:07 102